Pea eau fk fetai leva kia koe Sénateur Mikaele kulimoetoke o feia pe ki hou tuagaane nee fetau malohi mo ia o tokoni kia koe kite faigai ote tohi gaue o tatatou u tamai pee fae tuagaane mo tehina fai ako o Uvea mo Futuna ke votei ite fale fono fk Sénat, koeni kua lava kua kotou fk io kau Sénate kite tohi lao aeni malo tau kataki mote fetau kua lava te ulu aki vote
Kote lua vote leva aeni kei toe, kei au teu teui nei tona gauei hee koau ae ka na tau ite comisio ote ako ite felia fa aho 21 o maio pea e fai leva tona faka sio sio faka osi ite fale fono fk tepite ite monite aho 26 o maio pea fai ai leva mote vote faka osi e matou kau tepite.
Ka fai atu leva kua fk io mo matou kau tepite kite tohi lao aeni aki ha matou vote io, kote vote faka osi leva aia pea hoki fk mooni ai leva te puleaga kite tohi lao aeni hee kua katoa leva te uluaki vote nee faka hoko e Sénate Kulimoetoke i tona fale fono pea mote vote faka osi leva aeni ka fk hoko eau mo oku tehina mo tuagaane tepite ite aho 26 o maio
Faka fetai kite potu o Thierry Siuli mo Siole Fiahau i tana faka kaku tonu mai o felavei mote kau taki i falani nei pea mo faigai ai pe ke faka hoko tama u gaue a maua aeni e fe tuku logo mo talaga ki falani ke fai ite toka lelei ke lava te tohi gaue ate kau fai ako
Faka amu pe ke to lelei te u gaue ae kei toe ke au faka hoko kite tohi lao ate kau fai ako kite kahau mote lelei faka tahi o uvea mo Futuna
Ka fai atu kua lava lelei te gaue pea tou faka fetai Faka tahi leva kia koutou nee natou hufaki’i te gaue faigataa aeni ke lava mo fua manuia
Kuau faka malo mo faka apa apa atu
Mikaele seo
